Dentro di poko e luna di konsientisashon tokante hiv/aids ta kuminsá, un luna yen di informashon i aktividat. E luna akí ta den signo di engrandesimentu di konsiensia, plamamentu di konosementu i promoshon di komprenshon i solidaridat tokante HIV/AIDS den nos komunidat. E departamentu di Poli di Infekshon di Fundashon Mariadal, huntu ku EQ Boneiru i departamentu di Salubridat Públiko Boneiru (GGD), ta organisá un seri di aktividat informativo i di konsientisashon. Dia 1 di desèmber ta Dia Mundial di Aids ku komo tema ‘Let communities lead – Laga komunidatnan liderá’.
Riba e Dia Mundial di Aids 2023 e lucha kontra aids ta den spòtlait i nan ta hasi un yamada pa mas solidaridat ku hende ku tin hiv i aids.
E puntonan kulminante di e luna di konsientisashon akí ta:
- E luna di hiv/aids ta ranka sali: un kampaña ku vários notisiero i aktualisashon via diferente medio di komunikashon.
- Presentashon di e kampaña di hiv: un presentashon amplio na komunidat tokante meta i nesesidat di e kampaña.
- Diferente lès klíniko. Ku enfoke riba engrandesimentu di konosementu i abilidat di profeshonalnan den kuido pa loke ta trata atendementu ku hiv/aids.
- Marshe di salú. Un evento kaminda profeshonalnan den kuido di diferente spesialismo lo duna informashon na públiko.
- Konferensia di kuido. Un konferensia interaktivo kaminda empleadonan den kuido lo interkambiá informashon tokante hiv ku otro.
- Spùrtògt pa konsiensia tokante salú. Un evento ku enfoke riba promoshon di konsiensia tokante salú via un spùrtògt interaktivo.
E organisadónan ta enkurashá tur hende pa partisipá na e aktividatnan akí i pa traha huntu pa krea un komunidat solidario i bon informá. Den e dianan binidero nos lo kompartí mas detaye tokante kada aktividat, inkluso fecha, ora i sitio. Laga nos traha huntu pa hasi un diferensia i pa aportá na un mundu kaminda konosementu di i komprenshon pa hiv/aids ta sigui krese.