Den kaso di un malesa di nir, un diálisis (purifikashon di sanger) por ta nesesario. Fundashon Mariadal ta ofresé diferente forma di diálisis ku ta kuadra ku bo situashon personal i bo preferensianan. Nos tim di tratamentu hopi eksperensiá ta duna bo konseho tokante alimento i ta yuda bo anda ku bo malesa den bida diario. Nos por prepará bo tambe pa un transplante di nir.
Lesa mas akí bou.
Tokante Diálisis
Ora ku diálisis ta nesesario, esaki tin un impakto grandi riba bo bida. Pa e motibu akí ta bon si e diálisis ta pas mas mihó posibel ku bo situashon. Na nos Departamento di Diálisis nos ta dediká hopi atenshon na esaki. Nos ta ofresé diferente forma di diálisis, manera hemodiálisis i diálisis peritoneal.
Hopi biaha diálisis tin ku tuma lugá na hòspital. Na nos departamento, si bo ta deseá esaki, bo mes por hasi bo tratamentu di diálisis. Dependiente di bo kondishon médiko bo por dialisá na kas tambe.
Preguntanan ku hende ta hasi hopi
- Kua ta e orarionan di e sentronan di diálisis?
- Mi por bai ku vakansi komo pashènt di diálisis?
- Mi mes por determiná mi dianan i oranan di diálisis?
- Insidentalmente mi por kambia un dia di diálisis?
Kontakto
Bo tin pregunta ainda òf bo ta deseá mas informashon? Bo por tuma kontakto ku departamento di diálisis, number di telefòn (+599) 715-8912 (balie)
Departamento di diálisis
Na e departamento di diálisis e spesialistanan di nir (nefrólogonan) ta traha den un tim di tratamentu huntu ku enfermera(o) di diálisis, asistènt di dòkter, dietista, trahadó sosial i tékniko.
Ora di konsulta pre-diálisis
Ora ta evidente ku bo funshon di nir ta bai atras di tal manera ku den futuro serkano diálisis lo ta nesesario, bo dòkter di kas òf e spesialista ku ta duna bo tratamentu ta referí bo na nos ora di konsulta pre-diálisis. Akinan e spesialista di nir ta prepará bo pa e periodo di diálisis. Den esaki e ta traha huntu ku e enfermera(o)nan di diálisis, e dietista i un trahadó sosial. Bo ta haña guia pa mantené e pérdida di funshon di nir mas stabil posibel i informashon tokante e diferente formanan di diálisis. Di e manera akí bo por skohé e forma di diálisis ku ta pas mas mihó serka bo. Si bo kondishon médiko ta sufisientemente bon, nos ta deliberá ku bo tambe tokante si bo ke un transplante di nir. Si bo ta deseá esaki, nos ta hasi vários investigashon pa evaluá si bo ta bini na remarke pa un transplante asina.
Kiko ta hemodiálisis (HD)
Den kaso di hemodiálisis un biaha pa siman nan ta konektá bo durante algun ora riba un nir artifisial (mashin di hemodiálisis). E ora ei bo sanger ta pasa atraves di e nir artifisial i ta keda purifiká. Ta spula e awa ku ta di mas i e salu saka for di bo kurpa i bo ta deshasí di materia residual. Pa e forma akí di diálisis, akseso na un ader ta nesesario. Pa esaki e siruhano lo krea un ader grandi nèt bou di bo kueru. Esaki nan ta yama un ‘shunt’. Na momentu di diálisis por saka sanger for di e ader akí. Pa esaki nan ta prek den e shunt.
Banda di e splikashon ku gustosamente nos ta duna komo enfermera(o) di diálisis, awor tin un grabashon di informashon tambe ku bo por wak trankil na kas tokante kua ta e pasonan pa un tratamentu bon i seif di hemodiálisis.
Kiko ta diálisis peritoneal (PD)
Un otro forma di diálisis ta spulamentu di barika (diálisis peritoneal). Pa esaki nos ta hasi uso di e peritoneo. Via un kateter ta introdusí e líkido pa spula den e apdómen. Eiden na un manera natural (via e peritoneo) e ta atraé materia residual, salu i vògt ku ta di mas i ta saka esaki for di henter bo sistema di adernan i kurason. Bo mes ta hasi diálisis peritoneal na kas òf ku ayudo di Kuido na Kas (Thuiszorg). Fundashon Mariadal ta kapasitá empleadonan di Kuido na Kas pa hasi e spulamentu di barika akí. Pa e motibu akí nos por ofresé diálisis peritoneal na hopi pashènt.
Diálisis na hòspital
Esaki ta nifiká ku bo ta haña bo tratamentu di diálisis na oranan fiho i na un sitio fiho. E tratamentu ta dura 3 pa 4 ora, den mayoria kaso 3 biaha pa siman. Bo ta bin hòspital ku taksi òf ku bo propio transporte.
Diálisis na kas
Pa sierto pashèntnan diálisis na kas ta un opshon. Ku esaki bo mes bo determiná e ora di bo tratamentu. Bo no tin mester di bai hòspital tampoko pa bo tratamentu di diálisis. Banda di esaki vários diálisis pa siman òf diálisis ku ta dura mas largu ta posibel. Lamentablemente e forma di diálisis akí no ta adekuá pa tur hende. Si bo ta bini na remarke pa diálisis na kas, bo ta haña un kapasitashon di e enfermera(o) di diálisis. E kapasitashon ta dura 2 pa 3 siman.