Laboratorio di FM ta un laboratorio moderno di hòspital, ku ta hasi tèst médiko di laboratorio pa Fundashon Mariadal i otro proveedornan di kuido na Boneiru. Pa esaki e laboratorio ta hasi uso di aparatonan avansá i personal bon kapasitá.
Serka nos e pashènt i proveedornan di kuido na Boneiru ta sentral. Nos ta entregá diagnóstika di laboratio na nivel hulandes, i nos tempu di entrega ta komparabel ku esun na Hulanda – naturalmente teniendo kuenta ku e situashon geográfiko úniko di Boneiru.
Nos aspirashon ta pa logra un kuido aksesibel i di nivel kualitativamente haltu, ku gastunan mas abou posibel. Nos laboratorio ta hunga un ròl esensial den kuido di salú públiko (preventivo) na nos isla i ta ehekutá mas tantu petishon posibel na Boneiru mes.
Fundashon Mariadal ta brinda su empleadonan un ambiente di trabou seif, inklusivo i alentador, ku espasio pa desaroyo profeshonal. Tur hende mester por sinti nan mes liber pa bini ku sugerensia òf ekspresá nan preokupashon.
E Hunta di Akreditashon a akreditá nos laboratorio bou di e number di registrashon M303, konforme e norma ISO 15189:2012.
Sigui pa: