Awe Fundashon Mariadal ta selebrá un logro ekstraordinario: pa eksaktamente 25 aña servisio di ambulans ta forma parti ofisial di nos organisashon. Loke a kuminsá komo un tim modesto ku rekursonan limitá, durante e kuart siglo tras di lomba a krese i bira un vínkulo moderno, profeshonal i indispensabel den kuido di emergensia na Boneiru.
E selebrashon ta den signo di rekonosementu i apresio. Na okashon di e hubileo akí, nan a entrevistá dos di e promé koleganan di ambulans, Shandro Susana i Aries Dammers. Nan ta konta tokante edifikashon di e servisio, e hopi kambionan ku a tuma lugá i kon kuido di ambulans a desaroyá su mes i bira un promé paso krusial den trayekto di kuido di hopi pashènt. Hopi biaha ambulans ta e punto di inisio di un trayekto kaminda rapides, siguridat i enbolbimentu ta para sentral.
Den esaki servisio di ambulans ta traha intensivamente huntu ku entre otro ayudo di emergensia, dòkternan di kas, polis, kuerpo di bombero i otro partnernan den e kadena agudo. E kolaborashon akí ta esensial pa por garantisá kalidat, siguridat i kontinuidat di kuido pa habitantenan di Boneiru.
Awe servisio di ambulans ta forma un parti indispensabel di Fundashon Mariadal su dunamentu di kuido. Den e trabou diario di e profeshonalnan di ambulans, e balornan núkleo di nos organisashon – amor, profeshonalidat, inovashon i servisialidat – na un manera tangibel ta haña bida.
Por wak e entrevista di hubileo ku e empleadonan en kestion via e página di Facebook di Fundashon Mariadal. Durante e entrevista nan ta brinda un bista úniko den 25 aña di kuido di ambulans na nos isla.
Wak e entrevista i laga nan storia inspirá bo via: Facebook di Fundashon Mariadal.
Fundashon Mariadal ta felisitá tur aktual i anterior kolega di servisio di ambulans ku e logro ekstraordinario akí i ta gradisí nan – i tur otro partner den e kadena – pa nan kompromiso i dedikashon inkansabel na nos komunidat.