Riba djaweps 12 di mart 2026 Fundashon Mariadal ta para ketu na Dia Mundial di Nir. Den kuadro di esaki nos Departamentu di Diálisis ta organisá un Dia Habrí for di 08:00 or te 11:00 or na entrada prinsipal di Fundashon Mariadal, kaminda nos ta invitá komunidat di Boneiru pa bin siña mas tokante salú di nir i prevenshon.
E tema internashonal di Dia Mundial di Nir 2026 ta “Kidney health for all – Caring for people, Protecting the planet.” (Salú di nir pa tur hende – Kuido pa hende, Protekshon pa nos planeta.) Riba e dia akí rònt mundu nan ta pidi atenshon pa importansia di nir salú i detekshon tempran di malesa di nir. Malesa di nir hopi biaha ta desaroyá sin kehonan riparabel i pa e motibu akí tin ora ta te den un fase lat ta deskubrí nan. Pa medio di kontròl na tempu i bon informashon, por prevení hopi komplikashon.
Durante e Dia Habrí bishitantenan por:
- Bai den kòmbersashon ku profeshonalnan den kuido ku ta enbolbí ku kuido di diálisis
- Haña informashon tokante prevenshon i tratamentu di malesa di nir
- Laga midi nan preshon di sanger, nan suku den sanger i nan peso grátis
- Laga hasi un tèst di proteina den urina pa na tempu detektá daño di nir ku ta kuminsando
Ku e aktividat akí Fundashon Mariadal ke pidi atenshon pa importansia di salú di nir i ofresé habitantenan di Boneiru un oportunidat pa na un manera aksesibel laga kontrolá nan salú.
Kordialmente Fundashon Mariadal ta invitá tur habitante di Boneiru pa pasa un ratu.
Fecha: djaweps 12 di mart 2026
Ora: 08:00 or – 11:00 or
Sitio: Entrada Prinsipal di Fundashon Mariadal
