Riba djaweps 4 di sèptèmber señora Marjolijn Sonnema, Direktor General di Salubridat Públiko di Ministerio di Salubridat Públiko, Bienestar i Deporte, a hasi un bishita di trabou na Fundashon Mariadal na Boneiru. Di e forma akí pa promé biaha el a será konosí ku e organisashon.
E bishita tabata den signo di enkuentro, diálogo i bista den e práktika di kuido na nos isla. Señora Sonnema a papia ku e Hunta di Direktiva, e staf médiko i e Hunta di Supervishon, i el a partisipá na un rekorido atraves di entre otro Kas di Kuido, Kuido Agudo i e ala di hòspital Sentebibu.
Durante e bishita di trabou e delegashon a haña un imágen amplio di e manera ku Fundashon Mariadal ta brinda kuido dentro di e konteksto di Hulanda Karibense. A para ketu na dedikashon di e empleadonan, e kolaborashon entre e diferente disiplinanan i e manera ku e enfermera- i enfermeronan ta hunga un ròl prinsipal den dunamentu di kuido i maneho.
E aserkamentu di Fundashon Mariadal ta basá riba tres pilá stratégiko: kuido ‘nurse-driven, data-driven i value-driven’ (impulsá pa enfermeria, dato i balor). Den esaki e balornan núkleo amor, inovashon, profeshonalidat i servisialidat ta sentral. Durante e bishita, na diferente sitio e vishon akí a bini konkretamente dilanti.
E bishita di trabou ta kontribuí na fortifikashon di e kolaborashon entre Fundashon Mariadal i Ministerio di Salubridat Públiko, Bienestar i Deporte. Fundashon Maridal ta inkluí e vishonnan kompartí den kontinuashon di e diálogo tokante futuro di kuido na Boneiru.
Ku satisfakshon Fundashon Mariadal ta wak bèk riba un bishita balioso, danki tambe na e dedikashon enbolbí di su empleadonan na tur nivel.