Nos ke informá tokante un brote resien di Covid-19 den Kas di Kuido. Aktualmente tin sinku kaso konfirmá bou di nos habitantenan. Afortunadamente e habitantenan no ta gravemente malu.
Nos a informá e famianan tokante e brote aki i tambe nos a informá nan tokante e pasonan ku nos a tuma.
E areglo di bishita ta keda manera kustumber, pero nos ta konsehá bishitantenan ku ta bini den kontakto ku habitantenan ku a tèst positivo pa bisti un tapaboka. Esaki ta pa garantisá siguridat di tur habitante i bishitante.
Nos ta sigui vigilá e situashon minusiosamente i nos ta tene boso na altura di eventual kambionan.